Gazetari Elkier Bushkolaj, i ftuar në një emision televiziv, ngriti sot shqetësimin mbi vonesën dhe pasojat e hetimeve ndaj emrave më të përmendur për korrupsion dhe lidhje me botën e nënndheshme, duke përfshirë rolin politik të Belinda Ballukut.

Ai theksoi se kallëzimet konkrete kanë qenë aty prej kohësh, por nuk janë ndjekur me vendosmërinë e duhur, ndërsa Rama po kërkon “kurbanët e radhës” për të shpëtuar veten.

Bushkolaj lidhi gjithashtu vonesën e hetimeve me menaxhimin e fondeve publike dhe projektet madhore infrastrukturore, përfshirë autostradën Tiranë–Durrës dhe investimet në ujësjellës dhe energji elektrike.

Gjithashtu ai shtoi se raportet e OSBE-ODIHR e konsiderojnë Fierin si “kryeqytetin e krimit elektoral” në aspektin e përdorimit të administratës, duke e lidhur drejtpërdrejt me veprimtarinë politike të zonjës Balluku.

Është një situatë specifike. Një nga emrat më të përmendur për korrupsion, edhe për lidhje me botën e nënndheshme, është Belinda Balluku. Pyetja është: pse jemi kaq me vonesë në këtë histori? Kallëzimet kanë qenë aty prej kohësh dhe konkrete. Sado e cunguar të ketë qenë dosja e Veliajt, dhe sado që emri i tij lidhej pashmangshmërisht me dosjen 5D dhe investigimet në raport me zonjën Balluku, më bën përshtypje raporti i madh i dosjeve ku përmendet emri i saj.

Raporti nis që herët, që nga porti i Limjonit ku është përfshirë edhe emri i presidentit Begaj dhe i ish-deputetit Kollçaku, dhe vazhdon tek “Tigrat” dhe tek ato që ndodhën me 5D dhe rrugët. Në të gjitha aferat del emri i saj. Ashtu sikurse po bëhet edhe me entin që pritet të krijohet për ujësjellësin apo energjinë elektrike, dhe kësaj i bashkohet edhe raporti i OSBE-ODIHR, ku qartazi Fierin e konsideronin si “kryeqytetin e krimit elektoral” sa i përket përdorimit të administratës, ku zonja Balluku është drejtuese politike.

Pse erdhëm në këtë moment dhe pse kaq vonë? Rama është në një situatë shumë të vështirë, ku i duhen kurbanët e radhës për të shpëtuar veten e tij. Nëse shikon gjuhën e Ramës, jemi në të njëjtat hapa që ishin me Erion Veliajn: një ditë para arrestimit të tij, Rama ishte së bashku me Veliajn në qytetin e studentëve, ku fliste për arritjet e tij. Ndërkohë, ditën që doli lajmi për Rama-n, po atë ditë, katër orë më vonë, Rama publikonte postimet e zonjës Balluku për autostradën Tiranë–Durrës. Jemi në kushte të ngjashme.

Se si do të vijojë puna e SPAK-ut do të duhet ta shohim; duhet të kuptojmë arsyen pse është thirrur, dhe të krijojmë deduksionet tona se deri ku do të shkojnë këto hetime. Një gjë është e sigurt: sado hetime të ketë, nuk shkohet tek ajo që është maja e kuptolës dhe që drejton gjithë këtë organizëm… Balluku, që kur mori postin e saj, ka alokuar rreth 12 miliardë euro fonde publike