Një tërmet me magnitudë 3.4 të shkallës Rihter është regjistruar sot në territorin e Shqipërisë. Sipas të dhënave nga Instituti Euromesdhetar i Tërmeteve (EMSC), lëkundjet janë ndjerë në orët e para të ditës me një thellësi prej vetëm 5 kilometrash, çka e ka bërë dridhjen të perceptueshme në disa zona të vendit. Epiqendra e tërmetit është lokalizuar rreth 11 kilometra në juglindje të Tiranës, ndërsa nuk raportohet për dëme materiale apo persona të lënduar.
Banorë të zonave përreth kryeqytetit raportojnë se kanë ndjerë një lëkundje të shkurtër, por të fortë, e cila ka shkaktuar shqetësim të momentshëm. Institucionet përgjegjëse vijojnë monitorimin e situatës, ndërsa ekspertët theksojnë se ngjarje të tilla me magnitudë të ulët janë të zakonshme për aktivitetin sizmik në vendin tonë
