Familjet e BE-së duhet të mbajnë para cash në shtëpi për raste emergjence, ka sugjeruar një studim i Bankës Qendrore Evropiane, duke argumentuar se kartëmonedhat mbeten një mbrojtje jetësore kur sistemet dixhitale dështojnë.
Dokumenti i BQE-së i botuar të mërkurën ngre çështjen që më shumë qeveri kombëtare të marrin në konsideratë futjen e udhëzimeve të ngjashme me Holandën, Austrinë dhe Finlandën, të cilat këshillojnë familjet të grumbullojnë para cash.
Studimi vjen pas thirrjes së Komisionit Evropian këtë vit që qytetarët të grumbullojnë para të mjaftueshme, ushqim, ujë dhe ilaçe për të mbijetuar 72 orë shërbimesh të ndërprera.
Lufta në Ukrainë, pandemia Covid-19 dhe fatkeqësitë natyrore si zjarret dhe përmbytjet kanë ekspozuar dobësitë e Evropës dhe kanë shkaktuar një rritje të shpenzimeve për sigurinë dhe mbrojtjen.
