Belinda Balluku është parë duke hyrë në kryeministri mbrëmjen e sotme. Zëvendëskryeministrja u fotografua duke hyrë në godinën kryesore të ekzekutivit pasi u mor e pandehur.

Megjithatë, Balluku u la pa asnjë masë arresti. Ajo po hetohet për çështjen e tunelit të Llogarasë, që u ka kushtuar taksapaguesve shqiptarë mbi 180 milionë euro. Ende nuk dihet nëse Balluku do të dorëhiqet nga posti që mban.

Gazetari Çim Peka ka reaguar ashpër pas vendimit të SPAK për të mos marrë masë sigurie ndaj zv/kryeministres Belinda Balluku, ndonëse emri i saj del në dosjen e hetimeve për tenderin e tunelit të Llogarasë.

Në një reagim në rrjetet sociale, Peka shigjeton drejtpërdrejt Edi Ramën dhe e lidh çështjen me të ashtuquajturën ‘dosja Balluku’, duke nënvizuar se aty përfshihet edhe vetë kreu i qeverisë.

Arachova është thembra e Akilit e dosjes Balluku që përfshin dhe Ramën.

Ediot, ta kanë nis besoj emailin e kompanisë që fitoi tenderin e Llogarasë, ku pronari pyet Berberin: a ju shijuan pushimet dhe a ju pëlqeu hoteli?

Je bashkë me Ballukun e Berberin në dosje.

Pyetja është: pse SPAK po vepron me dy standarde?

Peka lë të kuptohet se ekzistojnë komunikime komprometuese mes kompanisë fituese të tenderit dhe zyrtarëve të qeverisë, që mund të hedhin dritë mbi lidhjet mes biznesit dhe pushtetit në këtë aferë.

Ky paralajmërim vjen në një moment kur opinioni publik kërkon llogari nga SPAK për zbatimin e një drejtësie të barabartë, pa mbrojtje politike, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE