Fatos Nano, lideri historik i Partisë Socialiste dhe arkitekti i kësaj force politike që në gjenezat e saj transformuese, është përcjell dje për në banesën e fundit, në një ceremoni që bëri bashkë personalitete të kombit shqiptar nga Shqipëria, Kosova dhe Maqedonia e Veriut.

Ai mbylli sytë përgjithmonë të premten, më datë 31 Tetor, në moshën 73 vjeçare, pas problemeve të rënda shëndetësore.

Lamtumira e tij ishte përgatitur deri në detaje, ashtu siç i takonte një politikani e lideri si Fatos Nano, me ceremonialin më të lartë shtetëror, ndërsa nuk mungoi prania e qindra qytetarëve që u mblodhën në Pallatin e Kongreseve prej orëve të para të mëngjesit e qëndruan deri pasdreke, për të shoqëruar kortezhin.

Një vëmendje të veçantë gjatë ceremonisë e ka marrë dhe një djalë shtatlartë që qëndronte gjithë kohën pranë zonjës Xhoana Nano dhe dy fëmijëve të Fatosit nga martesa e parë me zonjën Rexhina Nano, Sokolit dhe Edës.

Në hyrje dhe në përfundim të ceremonisë, ai ishte gjithë kohën pranë Xhoana Nanos dhe herë i shtrëngonte dorën e herë e mbante prej krahu, ndërsa në hollin e pritjes së bashkëpunëtorëve, miqve e qytetarëve, ai qëndronte në rreshtin e parë, përkrah Sokolit dhe Edës.

Klajd Nano, prane Edes dhe Sokolit, ne krye nena, Xhoana
Newsbomb.al mëson se ai është Klajd Nano, djali i Xhoanës nga martesa e parë dhe që u rrit në familjen e re të Fatosit.

Në vitin 2001 kur kryeministri dhe lideri historik i PS njoftoi ndarjen nga bashkëshortja e parë Rexhina dhe martesën me Xhoanën, Klajdi ishte vetëm 8 vjeç dhe Fatos Nano e birësoi, duke mos e ndarë asnjë moment nga dy fëmijët e tij biologjik.

Sot, ai është 32 vjeç dhe siç duket nga pamjet, është një djalë shtatlartë dhe mjaft i pashëm.

E gjithë familja Nano ka qenë e bashkuar në ceremoninë e lamtumirë, Xhoana pranë të birit Klajdi, Sokoli dhe partnerja e tij me djalin, dhe Eda gjithashtu me të birin. Ndonëse shumë të vegjël, fëmijët kanë marrë pjesë në lamtumirën e gjyshit të tyre.

Xhoana pranë të birit Klajdi, Sokoli dhe partnerja e tij me djalin, dhe Eda gjithashtu me të birin
Newsbomb.al mëson gjithashtu, se Klajd Nano dje, më 2 Nëntor në ceremoninë e ikjes përgjithmonë të Fatos Nanos nga kjo botë, ka pasur dhe ditëlindjen. Ai ka bërë 32 vjeç dhe dy dekada e gjysmë i ka kaluar pranë Fatos Nanos./Newsbomb.al