Lori Hoxha ka ndezur kuriozitetin e ndjekësve me një postim enigmatik në InstaStory, i cili u interpretua menjëherë si sinjali i parë se zyrtarizimi i nisjes së sezonit të ri të “Big Brother VIP Albania” (BBVA) është shumë afër.

Lori Hoxha është një nga figurat më me ndikim, dhe veprimet e saj në rrjete sociale shpesh janë sinjale të produksionit. Ajo ka shpërndarë një foto artistike të një syri të vizatuar mbi një këmishë të bardhë, simbol ky që prej vitesh lidhet drejtpërdrejt me identitetin vizual të BBVA.

Ky postim i shkurtër vjen në një periudhë kur produksioni i Top Channel ende nuk ka dhënë asnjë konfirmim zyrtar për datën e nisjes. Fakti që BBVK ka bërë publik muajin e nisjes, ka rritur edhe më shumë pritshmëritë e publikut shqiptar për një përgjigje.

Duke njohur stilin e Lori Hoxhës për komunikim “me sinjale”, ky veprim ka mjaftuar për të nxitur diskutimet në rrjet, duke lënë të kuptohet se njoftimi zyrtar për nisjen e reality show-t më të ndjekur në vend do të vijë shumë shpejt.