Një situatë e pazakontë dhe shqetësuese është regjistruar mëngjesin e sotëm në fshatin Drashovicë, ku një ujk ka rënë brenda një lavatriçe zhavorri, duke mbetur i bllokuar pa mundësi shpëtimi. Pamjet e sjella nga banorët tregojnë kafshën e egër të bllokuar në strukturën e thellë, ndërsa përreth ndodhen banesa dhe rrugë të frekuentuara.
Sipas banorëve, ujku është vënë re herët në mëngjes, por deri në këtë moment asnjë institucion nuk ka mbërritur për të ndërhyrë. Ata shprehen të shqetësuar se kafsha, për shkak të stresit dhe frikës, mund të reagojë në mënyrë të paparashikueshme nëse tenton të dalë nga vendi ku ka rënë.
JOQ Albania i thirrje institucioneve përgjegjëse të ndërhyjnë menjëherë për ta shpëtuar ujkun dhe për të garantuar sigurinë e banorëve.
