Mëngjesin e sotëm ishte e ftuar në emisionin “Wake Up” meteorologia e njohur, Lajda Porja. Ajo kishte sjellë një hartë të Shqipërisë, ku tregonte se si do të jetë moti për këtë javë. Teksa komentoi ngjyrën pink që ishte i mbuluar i gjithë veriu, Porja u shpreh se është intensiteti më i lartë i reshjeve dhe se do të ketë përmbytje.

Ndërsa kur u ndal te ngjyra jeshile e errët, Lajda dha se do të bien nga 110-170 mm reshje shiu.

“Durrësi, Laçi, Shëngjergji, rrethinat e Tiranës, Gramshi, pjesërisht zonat e Elbasanit, të cilat do raportojnë më shumë probleme. Edhe kryeqyteti mund të ketë përmbytje lokale, jo intensive. Kjo ka të bëjë në fakt edhe me infrastrukturën e qytetit. Ndërkohë në zonat jugore, Vlora është më e ekspozuara, më e rrezikuara. Kemi parë që Vlora ka një historik me përmbytjet. Vlora përmbytet edhe me pak reshje shiu, edhe kur bien 20-50 mm.

Në zonat e jugut, Vlora, Gjirokastra, Tepelena dhe Përmeti, janë zonat të cilat do të marrin edhe sasinë më të lartë, le të themi 130 mm.

Kur flasim për fenomene ekstreme, flasim që në Itali po bëhet nami, në qendër dhe në jug. Atje ka patur dhe zona që kanë kapur 400 mm, është pak më e zbutur si stuhi. Fati i mirë është që kjo stuhi po vjen nga veriu dhe kemi zonën malore që na mbron pak ndaj këtij ekspozimi. Nëse kjo stuhi do t’a kishte epiqendrën në perëndim, pra nëse do të ishte Durrësi në frontin e parë të luftës, i binte që do të kishim përmbytje masive. Përmbytje patjetër që do të ketë, do ketë në zonat e veriperëndimit, Ultësirës perëndimore. Edhe Durrësi ka të njëjtin historik me Vlorën, përmbytet me pak milimetra. Por edhe Lezha është e ekspozuar, Laçi, Kruja”, tha meteorologia e njohur