Trajneri i Kombëtares së futbollit Sylvinho ka folur ekskluzivisht për “Shqipëria Live” pas shortit të “play off” në Zyrih.

Sylvinho u shpreh se nuk duhet të bazohemi tek ndeshja e fundit me Poloninë, referuar fitores së fundit, pasi ekipet ndryshojnë. Në lidhje me mundësinë për t’u përballur me Ukrainë ose Suedinë nëse kalojmë në finale, ai tha se me këdo që të luajmë, ndeshja do jetë e vështirë.

“Ne bëmë gjithçka për t’u renditur i dyti. Të jesh këtu është ndjesi shumë më mirë për të gjithë shqiptarët. Tani kush do që të binte do ishte njësoj. Do luajmë për 90 minuta dhe gjithçka varet nga aty. Le të fitojë më i miri. Sfidat nuk do jenë njësoj sepse kombëtaret ndryshojnë me kalimin e kohës. Nuk duhen bërë krahasime me fitoren e fundit. Janë të gjitha ekipet të vështira, me këdo që të na duhet të ndeshemi. Por të mendojmë më mirë për ndeshjen e parë. të përgatitemi sa më mirë për Poloninë, edhe pse nëse kalojmë, do ndeshemi sërish shumë shpejt me ekipin e dytë.

Mua më pëlqen të fitoj dhe jemi këtu sepse fituam. Në shtëpi sigurisht jemi më të fortë dhe kemi fituar më shumë në shtëpi, prandaj më pëlqen më shumë në shtëpi. Të gjithë flasin shumë mirë për ne kur luajmë në shtëpi.

Lojtarëve u dhashë një mesazh pas ndeshjes me Anglinë dhe i urova. E meritojnë që të jenë këtu dhe tani në mars do të takohemi sërish, mezi po pres. Kam shumë besim tek ekipi. U kualifikuam në europian, luajtëm në europian. Tani jemi në ‘play off’ të botërorit, kemi bërë ndeshje dinjitoze.”- tha Sylvinho.