Analisti Lavdim Lita i ftuar në një studio televizive ka komentuar pezullimin e zëvendëskryeministres Belinda Balluku nga detyrat e saj pas urdhërit të GJKKO.

Analisti preku fjalimin e saj një ditë më parë në Kuvend duke u shprehur se fjalimi ishte i dukshëm që nuk ishte shkruar nga ajo por ishte dora e kryeministrit Rama.

Lita theksoi se SPAK ka shkuar shumë afër Kryeministrit Rama, duke e cilësuar si të papranueshëm ndikimin politik mbi hetimet. Ai e vlerësoi vendimin e gjyqtarit Erion Cela për pezullimin e Ballukut, duke e parë si një masë të nevojshme për të ruajtur integritetin e hetimeve.

Lita shtoi se është e pritshme që Balluku të japë dorëheqjen, pasi ndodhet në një situatë ku është e pamundur të mbajë postin nën këtë presion politik dhe ligjor.

“Fjalimi që ajo tha dje nuk dukej i saj, më shumë dukej se ishte i shkruar nga Kryeministri Rama. SPAK ka shkarkuar një ministër të qeverisë Rama, ndërsa të tjerët janë dorëhequr. SPAK ka shkuar shumë afër Ramës, kryesisht në paradhomë. SPAK nuk është i askujt, por nuk mund të shkonte tek ministri në detyrë, në paradhomë, dhe këtu bien gënjeshtrat dhe shpifjet e njerëzve për SPAK-un, lidhjen politike dhe ndikimin politik.

Gjyqtari Erion Cela, kur firmos shkresa, mendon gjatë dhe ka vendosur firmën për pezullimin e Ballukut, pasi mund të ndikojë në hetime. Ajo po hetohet për “Lotin 4″, pra po hetohet edhe për çështje kur nuk ka qenë ministre. Pritet që Balluku të japë dorëheqjen. Balluku do ofrojë dorëheqjen dhe do pranohet, se është e pamundur ndryshe në këto kushte.”, përfundoi analisti.