Një grua e moshuar nga fshati Progër i Devollit ka humbur kontaktet me familjarët dhe rezulton e zhdukur prej disa orësh. Bëhet fjalë për 76-vjeçaren Flora Hoxha, e cila vuante nga probleme të shëndetit mendor.
Policia dhe forcat e ushtrisë kanë nisur kërkimet në zonë, ndërsa autoritetet u kanë bërë apel banorëve të japin çdo informacion që mund të ndihmojë në gjetjen e saj.
Progri aktualisht është i mbuluar nga uji për shkak të përmbytjeve që kanë goditur juglindjen e vendit. Dyshohet se e moshuara mund të jetë marrë nga rrjedha e ujit, çka ka shtuar shqetësimin për fatin e saj.
Deri më tani nuk ka asnjë gjurmë se ku ndodhet ajo.
