Dhuroni te linku GoFundMe!

Historia e Fatmira Dervishit është një plagë e hapur që ka nisur qysh në fëmijëri… dhe që ende sot nuk është mbyllur ende.

Vetëm 2-vjeçe, një djegie e rëndë në këmbën e djathtë ia ndryshoi përgjithmonë jetën. Që nga ajo ditë, Fatmira nuk ka njohur kurrë një jetë si gjithë të tjerët. Spitale, korridore të gjata, operacione të panumërta, dhimbje që nuk kanë pushuar asnjëherë. Ajo provoi çdo mundësi shërimi, por këmba nuk u shpëtua dot.

Sot në moshën 40-vjeçare, gjendja e saj është më e rëndë se kurrë. Infeksioni që ka prekur këmbën rrezikon t’i shpërndahet trupit dhe t’i dëmtojë shtyllën kurrizore. Fatmira nuk ka më kohë për të pritur. Çdo ditë është një rrezik. Çdo vonesë mund të jetë fatale.

Por mes gjithë kësaj dhimbjeje, ajo mban një forcë të jashtëzakonshme! Është nënë e dy vajzave të vogla, 12 dhe 6 vjeçe. Vajza që çdo mëngjes e presin me buzëqeshje. Vajza që kanë nevojë për dorën e saj, për zërin e saj, për praninë e saj. Për nënën e tyre.

Dhe ka një shpresë. Një spital në Itali, në Bologna, ka dhënë garanci se mund ta operojë, amputimin e këmbës dhe vendosjen e një proteze moderne, që do t’i japë Fatmirës mundësinë të ecë, të jetojë pa infeksion, të rikthehet tek fëmijët e saj me dinjitet e shpresë.

Por kostoja e ndërhyrjes është e lartë. Shumë më e madhe se çfarë familja e saj mund të përballojë. Ajo nuk ka mundësi ekonomike, jeton me qira në Elbasan, ndërsa i vetmi që punon në familjen e saj është bashkëshorti që ndodhet në Elbasan.

Për të gjithë personat që kanë mundësi ta ndihmojnë, numri i telefonit është +355 68 26 30 983.