Tensionet në “Big Brother VIP Kosova 4” kanë kulmuar me një largim të papritur dhe të zhurmshëm, ku banorja Linda Rei ka vendosur të ndërpresë garën në mënyrë të menjëhershme.

Gjithçka nisi kur Linda refuzoi të pranonte nominimet, duke kërkuar daljen me justifikimin e arsyeve shëndetësore dhe pretendimin se produksioni nuk i kishte plotësuar disa kërkesa, përfshirë një takim.

Megjithatë, ky version u hodh poshtë kategorikisht gjatë transmetimit nga moderatori Alaudin Hamiti, i cili e mohoi versionin e saj duke theksuar se çdo kërkesë ishte trajtuar konform rregullores.

Situata mori fund me një njoftim zyrtar. Ndërsa Linda ndodhej ende në dhomën e rrëfimit, banorëve iu dorëzua një zarf urgjent me vendimin e prerë: “Banorë, Big Brother ka marrë vendim të lejojë Lindën të dalë nga shtëpia, televotimi vazhdon.”

Ky largim i befasishëm dhe mënyra se si u menaxhua situata i ka lënë të habitur banorët e tjerë, ndërsa pritet që dinamikat e shtëpisë të ndryshojnë ndjeshëm pas kësaj ngjarjeje.