Shqiptarët anë e mbanë botës festojnë sot 113-vjetorin e shpalljes së pavarësisë.
edi ramaMe rastin e kësaj dite të veçantë, kryeministri Edi Rama, publikoi në rrjetin e tij social Facebook, një mesazh urimi për të gjithë shqiptarët.
“MIRËMËNGJES dhe Gëzuar Ditën e Pavarësisë”, shkruan kryeministri në Facebook, teksa ka ndarë një foto nga memoriali Nënë Shqipëri.
Në të gjitha qytetet zhvillohen aktivitete festive, ku qendra është Vlora, aty ku Ismail Qemali ngriti flamurin kuqezi më 28 nëntor të vitit 1912.
Shqipëria u vetëshpall e pavarur në Vlorë më 28 nëntor 1912 nga Ismail Qemali.
Në shpalljen e pavarësisë morën pjesë 83 delegatë nga të gjitha trevat shqiptare dhe 40 prej tyre nënshkruan Aktin e Pavarësisë.
