Djali i një ish-ministri është arrestuar për shpejtësi të lartë dhe kundërshtim të policisë në krye të detyrës. Bëhet fjalë për djalin 20-vjeçar të Andreas Loverdos, ish-ministrit të Arsimit dhe Çështjeve Fetare në Greqi, që u arrestua për herë të dytë më 25 nëntor, në Nea Erythraia, për mosbindje dhe shkelje të rregullave të trafikut.

Sipas informacioneve, oficerët e policisë i kanë bërë shenjë një makine të ndalet, pasi ajo po lëvizte me shpejtësi të lartë. Dimitris-Pavlos Loverdos, i cili ishte shoferi, fillimisht nuk e ka ngadalësuar shpejtësinë, por kur ka kuptuar se oficerët e policisë po e ndiqnin, është ndalur në anë të rrugës.

Sipas medias greke, ai u ka thënë oficerëve: “A e dini se kush jam unë…?!” dhe menjëherë është prangosur.

Kjo është hera e dytë që Dimitris-Pavlos Loverdos arrestohet, pasi autoritetet e kishin prangosur atë në shtator 2025 , për shkelje të ligjit për armët.

I riu u arrestua në zonën e Kifisias për shkelje të ligjit për armët. Gjithçka filloi kur oficerët e policisë nga Ekipi i Parandalimit dhe Shtypjes së Krimit donin të kontrollonin të riun dhe një mik të tij me të cilin po ecte në rrugë. Më pas ai u la për hetim në gjendje të lirë, por e ka përsëritur krimin