Presidenti i SHBA-ve, Donald Trump, ka thirrur një takim urgjent në Zyrën Ovale për të diskutuar hapat e mëtejshëm lidhur me situatën në Venezuelë, teksa Uashingtoni ka rritur presionin ndaj vendit me operacione detare dhe një prani të shtuar ushtarake në Karaibe.

Sipas burimeve të CNN, në takim pritet të marrin pjesë anëtarë të nivelit të lartë të administratës, përfshirë drejtues të sigurisë kombëtare, përfaqësues të Pentagonit dhe Departamentit të Shtetit, si dhe këshilltarë të Shtëpisë së Bardhë.

Takimi zhvillohet në një moment kur SHBA ka intensifikuar veprimet kundër trafikut të drogës që dyshohet se kalon përmes Venezuelës, duke kryer kontrolle mbi anije të dyshuara dhe duke forcuar praninë ushtarake në rajon. Javën e kaluar, Trump deklaroi se synon ta godasë trafikun e drogës “sa më shpejt të jetë e mundur”.

Gjatë fundjavës, presidenti gjithashtu paralajmëroi linjat ajrore, pilotët dhe rrjetet kriminale që të shmangin hapësirën ajrore të Venezuelës për shkak të rritjes së tensioneve,