Ish-deputeti i Partisë Socialiste, Vladimir Kosta, ka publikuar një reagim në rrjetet sociale, ku shprehet kritik ndaj Kryeministrit Edi Rama lidhur me ftesën për investime të huaja në Shqipëri.

Kosta thotë se e ka dëgjuar Kryeministrin gjatë një bisede në forumin ekonomik, ku ky i fundit ka deklaruar se “duhet të investojnë të huajt në Shqipëri”.Në statusin e tij, ish-deputeti socialist akuzon Kryeministrin se, sipas tij, ka dëmtuar pasurinë kombëtare që “mezi është vënë nga bijtë e këtij vendi”.

Postimi i plotë i Vladimir Kostës:

“Dëgjova dje në një bisedë me forumin ekonomik nga Kryeministri: se duhet të investojnë të huaj në Shqipëri…!
Kemi një kryeministër që PRISH, DHUNON, MINON pasurinë që mezi është vënë nga bijtë e tij!… dhe pa pikën e turpit kërkon investitorë të huaj…! Si të zë vendi…”

Kujtojmë se edhe më herët, kur Kosta u largua nga PS, nuk nguroi të shprehte pakënaqësitë dhe kritikat ndaj kryeministrit Edi Rama.