Spektakli “Big Brother VIP Albania” nisi mbrëmjen e djeshme me shumë entuziazëm, teksa banorët e rinj u futën në shtëpinë luksoze nën vëmendjen e madhe të publikut dhe ndjekësve.

Megjithatë, përveç atmosferës festive, një moment solemn dhe prekës u shënua gjatë transmetimit live. Moderatori Ledion Liço ndali për pak çaste spektaklin për të nderuar kujtimin e këngëtarit të ndjerë Shpat Kasapi, i cili u nda nga jeta pak ditë më parë në moshë të re.

Ledioni bëri me dije se Shpat Kasapi kishte qenë pjesë e planeve për t’u bërë banor i këtij edicioni të “Big Brother VIP Albania”, por fatkeqësisht kjo nuk u realizua për shkak të ndarjes së tij të parakohshme nga jeta. Ky gjest u prit me emocione dhe reagime pozitive nga publiku, i cili e vlerësoi respektin dhe ndjeshmërinë e treguar nga produksioni i BBVA.

Në të njëjtën kohë, në rrjetet sociale kanë shpërthyer diskutime dhe kritika të forta ndaj “Big Brother VIP Kosova”, ku ndjekësit theksojnë se produksioni kosovar nuk bëri asnjë nderim zyrtar për Shpat Kasapin dhe as nuk i informoi banorët për ndarjen e tij nga jeta.

Krahasimi mes dy formateve ka ndezur debat, me shumë komentues që vlerësojnë qasjen njerëzore të BBVA, ndërsa kritikojnë ashpër mungesën e reagimit dhe ndjeshmërisë nga ana e BBVK në një moment zie për artin dhe publikun shqiptar