Një ditë para protestës të thirrur nga Sali Berisha para Kryeministrisë, deputeti Tomor Alizoti ka bërë thirrje për pjesëmarrje masive pasi premton se do ta rrëzojë qeverinë.

Pas thirrjes dëshpëruese me qëllim për të mbajtur të “karikuar” militantët, deputeti demokrat thotë se të gjithë e dinë se “Edi Rama është një hajdut ordiner”.

“Dalja e tij e fundit mediatike, në një ligjëratë të vetmuar dhe të pështirë, e tregoi qartë: ai nuk do të tërhiqet. Përkundrazi, është gati ta tërheqë zvarrë edhe partinë e tij në hendekun e turpit ku është zhytur vetë”, shkruan Alizoti.

Deputeti besnik i Berishës iu bën thirrje qytetarëve që të bashkohen në protestë kundër qeverisë.

“Nesër është dita e protestës, jo për pushtetin e opozitës, por për dinjitetin tonë. Për t’i treguar Edi Ramës se vetëm ai dhe shpura e tij e ndyrë janë përfituesit e trafikut, korrupsionit dhe hajdutërisë. Shqipëria është e varfër, po, por nuk duhet të jetë kurrë e përdhunuar nga kartelet e kokainës dhe e nënshtruar ndaj dhunës së korrupsionit galopant.”, shton ai,