Gjykata e Tiranës kishte vendosur masën e arrestit në shtëpi për Alma Bimen, ish-drejtoreshën e Politikave të Migracionit, Azilit dhe Antitrafikut në Ministrinë e Brendshme, pasi dyshohej për kanosje ndaj shtetasit të huaj M. M. Ky vendim erdhi pas hetimeve të nisura nga Policia për veprimet e dyshuara të Bimes.

Përveç akuzave për kanosje, Bime dyshohej gjithashtu se kishte ushtruar dhunë dhe kishte djegur disa orendi shtëpiake në banesën e ish-bashkëjetuesit të saj, Mareglen Tomori, në Kinostudio, pranë rrugës “Hysen Gjura”. Ngjarjet pasqyrojnë një konflikt të ashpër mes dy personave dhe ishin kthyer në objekt hetimi nga autoritetet.

Rasti bëhet edhe më i ndërlikuar pasi në shtator të këtij viti, Policia kishte arrestuar Mareglen Tomorin, drejtor i Organizatës Ndërkombëtare të Policisë (IPO), pas kallëzimit të bërë nga Bime për dhunë fizike, duke treguar se konflikti ishte i dyanshëm.

Por Alma Bime nuk është ndalur, situata ka eskaluar sërish, ajo ka thyer arrestin shtëpiak dhe ka tentuar të djegë makinën e ish-partnerit të saj. Burime zyrtare nga Policia bëjnë me dije se 43-vjeçarja është vënë në pranga pas këtij incidenti