Një apel për ndihmë ka mbërritur në redaksinë e JOQ Albania, ku familja e vogëlushes 15-muajshe, Natali Cana, ka nevojë për ndihmën e qytetarëve për të mbuluar shpenzimet e një operacioni jetik për të.
Natali, e diagnostikuar me një tumor tepër të rrallë në fshikëzën urinare, është e shtruar prej muajsh në Spitalin Onkologjik të Fëmijëve “Shpresa”.
Pas trajtimit, mjekët kanë vendosur se ajo duhet t’i nënshtrohet një ndërhyrjeje që nuk mund të kryhet në Greqi. Për këtë arsye, më 24 Mars, ajo do të udhëtojë drejt Francës, ku operacioni do të kryhet më 26 Mars nga kirurgu Florent Guerin.
Duke qenë se ky trajtim është tepër i kushtueshëm, familja e Natalisë ka nisur një fushatë ndihme në GoFundMe dhe kërkon ndihmën e të gjithëve.
Çdo kontribut, sado i vogël, mund të bëjë diferencën në jetën e vogëlushes!
