Një shqiptar në Mbretërinë e Bashkuar, Bledar Rexha, ka denoncuar një rast të dyshuar mashtrimi, ku një zonjë me emrin Arta Hysi, që vepron në rrjete sociale, kryesisht në TikTok, duke dhënë “këshilla për emigrantët”, dyshohet se i ka marrë 1000 paund duke i premtuar rregullim dokumentesh përmes lidhjeve të saj me institucionet britanike.

Sipas dëshmisë së qytetarit, zonja i ka kërkuar fillimisht pagesa të ndryshme duke pretenduar se bëheshin për tarifa shtetërore, përfshirë një shumë prej rreth 900 paundësh, më pas 300 paund dhe më vonë edhe 1863 paund të tjera. Ai tregon se u kontaktua edhe nga një person që u paraqit si përkthyes nga emigracioni anglez, pa dhënë asnjë identitet zyrtar apo numër reference, gjë që ngriti dyshime serioze.

Pas konsultimit me një avokat dhe pasi mësoi se e njëjta zonjë dyshohet se ka mashtruar edhe persona të tjerë me shuma të mëdha parash, qytetari vendosi ta denoncojë rastin. Ai deklaron se disponon të gjitha provat dhe u bën thirrje shqiptarëve të tregojnë kujdes maksimal ndaj personave Artës që premton “letra të sigurta” kundrejt pagesave jashtë çdo rruge ligjore.