Një aksidenti tragjik ka ndodhur dy ditë më parë në Itali, ku dy të rinjtë shqiptarë kanë humbur jetën dhe një tjetër ka mbetur i plagosur rëndë.

Bëhet me dije se automjeti me të cilin udhëtonin të rinjtë shqiptarë, një Jeep Avenger, u përplas me një kamion.

Ndërkohë mediat italiane kanë zbuluar identitetin e dy të rinjve shqiptarë. Bëhet fjalë për Blendi Syla, 20 vjeç dhe Robert Daçi, ndërsa emri i të plagosurit nuk është bërë ende publik.

Po ashtu të lënduar kanë mbetur edhe një burrë dhe një grua, ndërsa dy djemtë shqiptarë u nxorën pa shenja jete nga brenda automjetit.

Të afërmit e Blendi Sylës, kanë reaguar në rrjetet sociale lidhur me vdekjen e tij, ku bëjnë me dije se trupi i të riut do të kthehet në vendin tonë.

“Me dhimbje të thellë njoftoj ndarjen e parakohshme nga jeta të nipit tim Blendi Syla 20 vjeç, i cili humbi jetën tragjikisht si pasojë e një aksidenti në Itali.

Familja Çekaj informon se, për momentin, data dhe ora e ceremonisë së varrimit nuk janë përcaktuar, pasi pritet kthimi i trupit në Shqipëri. Sapo të kemi informacion të konfirmuar, do t’ju njoftojmë në vijim.

Falënderojmë të gjithë të afërmit, miqtë dhe dashamirësit për ngushëllimet dhe mbështetjen në këto momente të vështira. I paharruar qoftë kujtimi i tij. Zoti e pastë në paqe shpirtin e tij”, shkruan një i afërm i Blendi Sylës në një postim në rrjetet sociale,