Ndërsa drejtësia kërkon ta çojë përballë ligjit, zv.kryeministrja Belinda Balluku vijon të sillet sikur asgjë nuk ka ndodhur.

E marrë e pandehur nga SPAK për shkelje të barazisë në tendera dhe me kërkesë për arrestim të pezulluar, Balluku ka zgjedhur të sfidojë hapur drejtësinë, duke dalë në terren dhe duke ushtruar funksione politike e ekzekutive sikur statusi i saj ligjor të mos ekzistonte.

Këtë të enjte, ajo është shfaqur në Fier, ku ka zhvilluar një takim me fermerët e zonës, duke premtuar fonde marramendëse për bujqësinë dhe duke folur për “buxhetin më të madh ndonjëherë”, në një kohë kur ndaj saj rëndojnë akuza serioze penale.

Në vend që të japë llogari përballë drejtësisë, Balluku ka preferuar podiumin politik dhe premtimet elektorale, duke e trajtuar procesin e SPAK-ut si një detaj të parëndësishëm.

“Qeveria shqiptare ka dizenjuar buxhetin më të madh për bujqësinë, blegtorinë dhe peshkimin, 16.3 miliardë lekë, nga të cilat 5.2 miliardë do të vendosen në dispozicion të skemës kombëtare të bujqësisë”, deklaroi ajo, duke shtuar se Fierit, si “hambari i Shqipërisë”, i duhen skema më efikase.

Por ajo që Balluku nuk përmendi ishte fakti se flet si përfaqësuese e pushtetit, ndërkohë që ligjërisht është e pandehur dhe me imunitet ende në diskutim.

Situata bëhet edhe më paradoksale nga fakti se procesi ndaj saj vijon të mbahet pezull, për shkak të mungesës së një vendimi nga Këshilli i Mandateve dhe Gjykata Kushtetuese. Socialistët në Këshillin e Mandateve kanë zgjedhur të presin vendimin e Kushtetueses, një pritje që në praktikë i ka dhënë kohë dhe hapësirë politike vartëses së Edi Ramës për të vijuar aktivitetin normal, sikur drejtësia të ishte thjesht një pengesë formale,