Pas denoncimit publik të JOQ Albania, Eva Hanko psikopatja që vriste macet e Tiranës është izoluar dhe aktualisht ndodhet nën trajtim në një institucion të specializuar mjekësor. Lajmi është konfirmuar nga burime pranë Policisë së Shtetit. Sipas informacioneve, rasti është konsideruar i ndërlikuar për shkak të ndjeshmërisë së situatës, por edhe për mungesën e mekanizmave dhe kuadrit të qartë ligjor për trajtimin e rasteve të ngjashme. Megjithatë, presioni dhe angazhimi i qytetarëve, të cilët kanë dërguar vazhdimisht ankesa dhe emaile në JOQ, kanë luajtur rol kyç në ndërhyrjen e autoriteteve pasi rasti u denoncua njëzëri.
Aktivistët shpresojnë që trajtimi mjekësor të ndihmojë në stabilizimin e gjendjes së personit, ndërsa theksojnë rëndësinë e vijimit të bashkëpunimit institucional dhe qytetar për të mbrojtur kafshët dhe për të parandaluar raste të ngjashme në të ardhmen.
