Moderatori i njohur Ledion Liço ka qenë kryefjala e mediave rozë që prej verës së vitit 2025, për shkak të zërave të vazhdueshëm për një krizë dhe ndarje të mundshme nga bashkëshortja e tij, Sara Hoxha.

Mbrëmjen e djeshme në “Big Brother VIP Albania”, gjatë një bisede me të ftuarën speciale Elvana Gjata, Ledioni ka lëshuar sinjale të forta por kontradiktore rreth statusit të tij aktual, duke e lënë publikun edhe më të paqartë.

Fillimisht, ai la të kuptohej se po kalon një periudhë të vështirë emocionale, teksa komentonte baladën e re të këngëtares.

“Unë po jetoj një periudhë të jetës time në të cilën nuk dua të dëgjoj më këngë të trishta, pra jam i apasionuar vetëm pas këngëve që më bëjnë të kërcej. Ndërkohë, kur ju nxirrni këngën, them ‘pse ma bëni këtë para prime-it?’ sepse ishte si thikë pas shpine,” – u shpreh ai, duke cituar vargjet e ndjera: “Pse u bëre vjeshtë e jetës time, pse ma more dashurinë ti mu”.

Kjo deklaratë u interpretua menjëherë si një konfirmim i tërthortë i ndarjes. Por, vetëm pak minuta më vonë, situata ndryshoi krejtësisht.

Kur Elvana Gjata dha mesazhin se “kush e ka dashurinë, ta mbajë fort sepse është e rrallë”, Ledioni replikoi duke përfshirë veten në grupin e njerëzve të dashuruar. “Ne të dy jemi mirë se e kemi [dashurinë], kështu që jemi në rregull,” – shtoi ai.

Mbetet ende mister nëse çifti i njohur vazhdon të jetë bashkë