Një ngjarje e rëndë është regjistruar mbrëmjen e kësaj të diele në Burgun Domokos, në Greqi, ku një i burgosur ka hu mbur jetën në rrethana misterioze.

Sipas raportimit të mediave greke, ngjarja është regjistruar pak momente më parë, ku një i dënuar me burgim të përjetshëm është nisur drejt zyrës së krye-rojës së turnit me qëllim për ta vr*rë.

Në momentin që ka tentuar ta vr*së ai është qëlluar për vdekje me armë zjarri, nga një tjetër i dënuar me origjinë bullgare.

Ndërkohë thuhet se ngjarja ka ndodhur në prani të shqiptarit që po vuan dënimin në të njëjtin burg, Alket Rizai.

Nuk dihen ende arsyet e krimit, apo nëse ngjarja ka lidhje me vetë Rizain. Në vendngjarje ka mbërritur skuadra e hetimit, ndërsa autoritetet kanë nisur hetimet për të verifikuar rrethanat e plota të ngjarjes dhe për të zbardhur saktësisht se çfarë ka ndodhur.

Kush është Alket Rizai?

Alket Rizai ka një dosje të gjatë kriminale në Greqi. Ai është dënuar dy herë me burgim të përjetshëm, ndërsa dënimet shtesë për veprat penale të tjera kapin shifrën e 25 viteve burg. Emri i tij u bë i njohur në mbarë Greqinë dhe më gjerë për arratisjet spektakolare nga burgu, përfshirë edhe bashkëpunimin e tij me kriminelin grek Vassilis Paleokostas, në një nga arratisjet më të guximshme me helikopter nga burgu i sigurisë së lartë në Korydallos në vitin 2006.

Megjithëse pas arrestimeve të njëpasnjëshme ai ka kaluar pjesën dërrmuese të jetës së tij pas hekurave, Rizai ka përfituar në vitet e fundit edhe leje të rregullta nga burgu, falë sjelljes së tij më të disiplinuar.

Një rast i tillë ndodhi në janar të vitit 2021, kur gjatë një kontrolli të rastësishëm në një zonë të Lamisë, policia greke gjeti Alket Rizain në një automjet të dyshimtë së bashku me dy të dënuar të tjerë. Ai në atë kohë ndodhej në leje zyrtare 5-ditore nga burgu, çka ngriti pikëpyetje të shumta në opinionin publik dhe median greke.

Një tjetër episod i rëndësishëm ishte edhe paraqitja e tij në Gjykatën e Kundërvajtjeve tre anëtarëshe të Lamisë, rreth një vit më parë. Ai akuzohej për posedim të armëve të improvizuara dhe celularëve të paligjshëm në qeli, por në përfundim të procesit, u shpall i pafajshëm.

Në 11 prill të vitit 2025 ai ka kërkuar lirimin nga burgu.