Pas një afrimiteti që tërhoqi vëmendjen e të gjithëve gjatë ditëve të fundit, duket se raporti mes Mateo Borrit dhe Brikena Selmanajt ka pësuar një krisje të papritur. Dyshja është parë e distancuar që prej ditës së djeshme, duke u dhënë fund edhe bisedave të tyre të gjata e të afërta në orët e vona të natës. Por çfarë e solli këtë ftohje kaq të shpejtë mes tyre?
Shkaku nuk ka të bëjë me xhelozi apo ndjenja, por me një detyrë të “Vëllait të Madh”. Pasi dyshja fitoi sfidën përballë Selinit dhe Gimbos, atyre iu besua një përgjegjësi e rëndësishme: menaxhimi i cigareve për banorët e shtëpisë. Pikërisht ndarja dhe menaxhimi i tyre ka sjellë debatet e para. Mateo ka pasur kritika ndaj mënyrës se si Brikena po e kryente këtë detyrë, gjë që nuk është pritur aspak mirë nga ajo.
E prekur nga fjalët e tij, Brikena ka zgjedhur të tërhiqet dhe të mbajë distancë, duke lënë në pikëpyetje të ardhmen e këtij raporti brenda lojës.
