Autoritetet greke kanë shpallur në kërkim një shtetas shqiptar, i cili dyshohet për tentativë ab uzimi se ksual ndaj një 25-vjeçareje me aftësi ndryshe.

Sipas informacioneve të publikuara nga mediat vendase, rasti është sinjalizuar nga nëna e vajzës, e cila përmes kamerave të sigurisë të instaluara në banesë ka vënë re të bijën në gjendje të rënduar emocionale.

Burimet raportojnë se ajo është kthyer menjëherë në shtëpi dhe ka tentuar të përballet me personin e dyshuar, i cili më pas është larguar nga vendi i ngjarjes. Rrethanat e sakta të incidentit janë ende nën hetim.

Sipas raportimeve, i dyshuari jetonte në të njëjtën zonë dhe kishte kontakte të mëparshme me familjen. Mediat greke bëjnë me dije se 25-vjeçarja ka edhe një motër binjake, gjithashtu me aftësi të kufizuara. Dyshohet se njëra prej tyre mund të ketë qenë viktimë e një tentative abu zimi, por kjo mbetet për t’u konfirmuar nga hetimet zyrtare.

Të dyja vajzat janë dërguar në spital për ekzaminime mjekësore, ndërsa nëna ka dhënë deklarime në polici. Forcat e rendit kanë nisur kërkimet për lokalizimin dhe ndalimin e personit të shpallur në kërkim.

Hetimet vijojnë për të sqaruar plotësisht ngjarjen dhe për të përcaktuar përgjegjësitë ligjore.