Një ngjarje e rëndë është raportuar në Gjirokastër, ku një 17-vjeçar është vënë nën hetim pas një kallëzimi për ngacmim se ksual ndaj një 10-vjeçari.

Sipas informacioneve paraprake, i mituri, i shoqëruar nga prindërit e tij, është paraqitur në ambientet e Policisë për të bërë denoncimin. Mësohet se në momentin e ngjarjes kanë qenë të pranishëm edhe dy fëmijë të tjerë të mitur, të moshës 9 dhe 10-vjeç, të cilët janë marrë në pyetje sipas procedurave ligjore.

Burime nga Policia bëjnë me dije se 17-vjeçari është larguar në drejtim të shtetit grek, përpara se 10-vjeçari dhe prindërit e tij të shkonin në polici për të bërë kallëzim.

Ndërkohë, i mituri pritet t’i nënshtrohet një kontrolli mjekësor në Tiranë, me qëllim sqarimin e plotë të rrethanave të rastit, ndërsa organet hetimore po vijojnë punën për dokumentimin ligjor të ngjarjes.

Njoftimi i Policisë:

Specialistët për Hetimin e Krimeve në Komisariatin e Policisë Gjirokastër kanë referuar materialet në Prokurori dhe shpallën në kërkim një 17-vjeçar, banues në lagjen Zinxhira, pasi dyshohet se ky shtetas në prani të 2 shtetasve të tjerë të mitur, të moshës 9 dhe 10 vjeç, dyshohet se ka ab uzuar se ksualisht me një 10-vjeçar.

17-vjeçari është larguar në drejtim të shtetit Grek, para se 10-vjeçari dhe prindrit e tij, të vinin në ambientet e Policisë për të bërë kallëzim.

Të miturit janë intervistuar në prani të prindërve, psikologes, avokatit dhe përfaqësuesve të Njësisë për Mbrojtjen e Fëmijëve, në përputhje me procedurat ligjore.

Vijojnë hetimet për dokumentimin ligjor të rastit.

Materialet procedurale i janë përcjellë Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.