Spektakli i mbrëmshëm i Big Brother VIP Albania 4 ishte i mbushur me emocione të forta, surpriza dhe dinamika të reja.

Një nga momentet më prekëse ishte ai i Gjestit, i cili shpërtheu në lot gjatë transmetimit të linjës së jetës. Historia e tij preku jo vetëm banorët, por edhe publikun, ndërsa më pas u surprizua nga familjarët e tij.

Një tjetër moment kulmor ishte nominimi kokë më kokë mes Laertit dhe Valbonës, ku kjo e fundit u eliminua nga gara, duke lënë shtëpinë vetëm pak javë para finales.

Por mes gjithë këtyre ngjarjeve, një deklaratë e Ledion Liços mori vëmendjen e publikut. Moderatori hodhi poshtë aludimet se finalja e madhe do të zhvillohet të shtunën, siç ishte përfolur në rrjet dhe mes banorëve brenda shtëpisë.

Megjithatë, edhe se Ledioni nuk zbuloi një datë të saktë për përfundimin e këtij sezoni, premtoi se finalja do të zbulohet zyrtarisht gjatë spektaklit të së shtunës.

Tani mbetet për t’u parë se kur do të zhvillohet momenti më i madh i këtij edicioni të Big Brother VIP Albania 4!