Kryeministri Edi Rama mori pjesë në eventin e çeljes së Programin për Përshpejtimin e Pranimit të Pagesave Elektronike, në partneritet me Mastercard Europe.

Rama tha se sot në tregun shqiptar Mastercard ka hyrë dhe do pak kohë që qytetarët të adaptohen me këtë risi.

Kreu i qeverisë tha se Shqiptarët kanë një përdorim më të madh të përdorimit të parasë CASH, duke mbetur pas në përdimin e parasë online.

“Për ne është shumë e rëndësishme që Mastercard hyn në Shqipëri, si rezultat i faktit që sot e gjen tregun shqiptar të gatshëm për të adaptuar veten me produktin e mastercard. Nga ana tjetër, është shumë e mirëprituar ardhja e mastercard, sepse është koha që revolucioni ynë digjital të thellohet shumë me tepër edhe në drejtim të thjeshtimit dhe përmirësimit të pagesave në vend. Kemi të dhëna shumë të frikshme negativisht përsa i përket përdorimit masiv të cash, ndërkohë që e dhëna pozitive është se kur ne kemi marrë detyrën, kanë qenë rreth 30% e qytetarëve me llogari bankare, sot ka shkuar në 80%”, tha Rama.