Kur keni këtë sëmundje, #trupi juaj nuk arrin t’i shndërrojë si duhet karbohidratet e ushqimit në #energji. Kjo shkakton grumbullimin e sheqerit në gjakun tuaj. Me kalimin e kohës, ajo rrit rrezikun për sëmundje të zemrës, verbëri, #dëmtime të nervave dhe të organeve, si dhe kushte të tjera të rënda. Ajo prek njerëzit e të gjitha moshave dhe simptomat e hershme janë të lehta. Afërsisht, 1 nga 3 të prekurit me #Diabet Tipi 2, nuk e di që e ka këtë sëmundje.

ÇFARË DO TË VINI RE NË FILLIM?
Njerëzit me Diabet Tipi 2 shpesh nuk kanë #simptoma. Kur ato shfaqen, një nga të parat simptoma mund të jetë etja e tepërt. Të tjerat përfshijnë: gojë të thatë, oreks të shtuar, urinim të shpeshtë (çdo orë) dhe rënie (ose shtim) të pazakontë peshe.

SIMPTOMAT E VONSHME: Ndërsa #niveli i sheqerit në gjak rritet, ju mund të keni probleme të tjera si: dhimbje koke, turbullim të pamjes dhe lodhje.

SHENJAT E PROBLEMEVE SERIOZE – Në shumë raste, Diabeti Tipi 2 nuk zbulohet deri sa të ketë shkaktuar dëme serioze në shëndetin tuaj. Disa ‘flamuj të kuq’ përfshijnë:
• Prerje ose plagë që shërohen ngadalë;
• Infeksione të shpeshta fungale ose infeksione të traktit urinar;
• Kruarje lëkure, veçanërisht në zonën inguinale.

KJO MUND TË NDIKOJË NË JETËN TUAJ SEKSUALE – Diabeti mund të dëmtojë enët e gjakut dhe #nervat në organet gjenitale. Kjo mund të çojë në një humbje të ndjeshmërisë dhe të vështirësojnë arritjen e orgazmës. Gratë janë gjithashtu të prirura për thatësi vaginale. Afërsisht1 në 3 #gra me diabet ka çrregullime të fushës seksuale. Rreth 35-70% e meshkujve që kanë këtë sëmundje, ka rënie të fuqisë seksuale gjatë jetës.

FAKTORËT E RREZIKUT QË JU MUND TË KONTROLLONI – Disa zakone dhe gjendje shëndetësore të lidhura me stilin e jetës mund të rrisin mundësinë për Diabet

Tipi 2. Këtu përfshihen:
• Mbipesha, sidomos në bel;
• Jeta sedentare;
• Pirja e duhanit;
• Konsumi në sasi të mëdha i mishit të kuq, produkteve të mishit, produkteve të qumështit me #yndyrna të larta dhe ëmbëlsirat;
• Nivelet e larta të kolesterolit dhe triglicerideve.
FAKTORËT E RREZIKUT PËR GRATË – Mundësia e shfaqjes së Diabetit Tipi 2 rritet nëse:
• Keni patur diabet gestacional kur keni qenë shtatzënë;
• Keni lindur një fëmijë që peshonte mbi 4.5 kg;
• Sindromi i ovarit policistik.

SI DIAGNOSTIKOHET? – #Mjeku juaj do të marrë pak gjak dhe të bëjë një test A1C (hemoglobina e glukozuar). Ajo tregon nivelin mesatar të sheqerit në gjak gjatë 2-3 muajve të fundit. Nëse ju tashmë keni simptoma, mjeku mund t’ju kërkojë një analizë të glukozës në gjak (glicemi), e cila tregon se cili është përqendrimi aktual i sheqerit në gjak.
Pra, mos humbisini kohë! Bëni një #kontroll për diabetin, veçanërisht nëse jeni #mbipeshë ose me një histori familjare të diabetit.