Tirana është i vetmi qark në Shqipëri që ka njohur një rritje të lehtë të popullsisë prej 1.2% ndërmjet viteve 2011 dhe 2023, por ka pësuar një rënie të madhe të numrit të të rinjve nga 15-19 vjeç. Sipas të dhënave nga Census 2023, popullsia e Tiranës në grupmoshën 15-29 vjeç ra me gati 22%, nga 202 mijë në vitin 2011 në 158,288 persona në vitin 2023. Kjo tregon një ndryshim në strukturën e popullsisë, me një plakje të saj, duke reflektuar rritjen e numrit të të moshuarve dhe rënien e të rinjve.

Për dekada, Tirana ka qenë qendra kryesore për studentët nga e gjithë Shqipëria, por rritja e kostove të jetesës dhe pagat e ulëta kanë bërë që shumë të rinj të emigrojnë, shpesh pas studimeve. Në vitet e fundit, ky fenomen është përforcuar, pasi të rinjtë përdorin Tiranën si trampolinë për të shkuar në shtete të tjera.

Gjirokastra, Fieri, Lezha dhe Elbasani janë qarqet që kanë pësuar rënien më të madhe të të rinjve, me Gjirokastrën që ka humbur 55% të tyre. Ky largim i të rinjve është pasuar nga një normë e lartë emigrimi, me Shqipërinë që ka regjistruar një nga normat më të larta të kërkesave për azil në Bashkimin Evropian, veçanërisht nga të rinjtë nën 18 vjeç.