Një 24-vjeçar është vënë në pranga pasi publikoi video në rrjetin social TikTok, ku i bënte thirrje qytetarëve të kryenin akte të dhunshme, përfshirë djegien e një automjeti të Policisë së Shtetit.
Pas monitorimit të përmbajtjeve të publikuara nga një adresë false, strukturat e Policisë konstatuan se autori po promovonte dhunë dhe veprime të rrezikshme. Drejtoria për Hetimin e Krimeve Kibernetike, në bashkëpunim me njësitë rajonale dhe platformën sociale, identifikoi autorin e videove dhe ndërhyri për të parandaluar pasoja të mundshme.
I riu Devis Farruku, 24 vjeç, banues në Sukth, Durrës, u ndalua për “Thirrje publike për veprime të dhunshme” dhe “Prodhim, mbajtje, blerje apo shitje pa leje e armëve të ftohta”. Në njërën prej videove, ai ftonte publikisht ndjekësit të shikonin një akt dhune ndaj një makine të policisë, duke kërkuar reagime ekstreme nga qytetarët.
Çështja po ndiqet më tej nga Drejtoria e Antiterrorit, ndërsa pritet vlerësimi i rrezikshmërisë së përmbajtjes së shpërndarë. Autoritetet po vijojnë hetimet dhe procedurat ligjore në lidhje me këtë rast. /noa.al
https://www.instagram.com/reel/DJG2Dn9sSiJ/?utm_source=ig_embed&ig_rid=2add01db-667d-4885-a357-3573b4ff5b95
https://www.instagram.com/reel/DJG2Dn9sSiJ/?utm_source=ig_web_copy_link
