Ditën e sotme, banorët e “Big Brother VIP 4” nuk duhet të reagojnë ndaj gjërave që mund të ndodhin në shtëpinë më të famshme në Shqipëri. Ata nuk duhet të reagojnë ndaj zhurmave apo ndaj njerëzve që mund të hynë në shtëpi.

Egla Ceno është personi i parë që ka hyrë në shtëpinë e “Big Brother VIP 4” dhe banorët janë munduar që t’a shmangin dhe të mos bëjnë reagime.

Por ka qenë vetë fituesja e edicionit të tretë të “Big Brother VIP” që ka ngacmuar banorët. Ajo ka hyrë në shtëpi me një rrobdeshambër, duke lënë të kuptohet se do të bëjë dush apo do të hyjë në vaskë, që ajo e kishte qejf.

Por gjëja e parë që bëri në fakt ishte tjetër gjë, pasi ajo shkoi te dhoma e gjumit ku ishte Laerti, Jozi, Rizarta dhe Ola.

Në momentin që banorët panë Cenon, Ola pyet ku është Aldo dhe Laerti thotë: “Aldo flirtuesi erdhi të më puthte mua me vrap”.

E në këto momente aktorja e njohur shkon drejt Laertit, e kap me njërën dorë nga faqet dhe e puth në buzë.

“Erdhi të më puthte mua Aldo flirtuesi, me vrap, Aldo flirtuesi. Erdhi më kapi nga koka dhe më puthi. Do i eci viti mbarë se unë jam njeri i perëndisë”, vijoi duke thënë Laerti, ndërsa Egla largohet për në living.