Iftuar në “Live From Tirana” me Ronaldo Sharkën ka qenë Xhani Demika. Ai foli më shumë mbi fatkeqësinë e ndodhur në diskotekën në Koçan me 59 viktima. Sa të sigurtë janë clubet e Tiranës nga ky aspekt? Xhani po ashtu u ndal edhe tek koncertet që banorët e BBV4 pritet të mbajnë pas daljes së tyre…
Kush mendon se do të jetë më i suksesshëm me koncerte pas daljes nga “Big Brother VIP”?
Nga artistët që janë të rinj atje, pa e krahasuar me Rozanën, kam përshtypjen që Jozi dhe Gjesti do të jenë goxha të pëlqyer dhe të suksesshëm tek pjesa e club-eve. Gjesti ka pjesën e RnB, atë pjesën karagjoze, si djali çapkën. Unë e njoh, jam ndër të parët që ka pasur koncert me Gjestin, por nuk kam dalë kurrë me tabelë në dorë për ta thënë këtë. Është djalë i mirë, i shkathët. Gjesti nuk është ai karagjozi që është atje, në jetën reale është serioz në punë, është korrekt, është shumë i gjendur, është pro çdo gjëje që ka të bëjë me muzikën, çdo lloj bashkëpunimi apo çdo gjë që ka të bëjë me koncertin. Kurse Jozin kam shumë vite që e njoh, që rreth vitit 2016. Edhe me Jozin nuk e ka ditur njeri që kam marrëdhënie shoqërore shumë të mira. Është djalë shumë i mirë dhe është muzikant shumë i mirë. Unë kam përshtypjen që Gjesti dhe Jozi duhet të kenë një bashkëpunim, por jo të dalin në një klip bashkë sepse janë shumë të ndryshëm.
Sa parashikon se do të paguhet Gjesti për një koncert pas “Big Brother VIP”?
Unë mendoj që Gjesti meriton të fitojë sepse është i vetmi person që ka përballuar dy “Big Brother” në një afat kohor 150 ditë dhe është i vetmi person që ka qenë i zhurmshëm në të dy BBV për të bërë një super aktivitet energjik. Pavarësisht se ne në Shqipëri këtë aktivitet energjik edhe e pëlqejmë edhe nuk e pëlqejmë shumë, sepse ndonjëherë kërkojmë dhe artikulimin, kërkojmë dhe oratorinë. Por që mendoj se Gjesti e fiton. Në momentin që Gjesti fiton “Big Brother”, Gjesti duhet të bëjë shumë kujdes me daljen e parë, sepse nëse do të ketë një shifër shumë të lartë do të tremben shumë club-et dhe do të jetë një gabim që mund të bëhet i vazhdueshëm. Kam përshtypjen që për daljen e parë të Gjestit, do të thonë 10-15 mijë euro direkt dhe kjo do të jetë shumë. Fillimi do të jetë marketing, pastaj do shohim se si do të jetë ecuria e Gjestit në pjesën e koncerteve dhe zhurmës.
