Një ngjarje e pabesueshme ka tronditur opinionin publik në Kolumbi, ku një grua 91-vjeçare, gjatë një vizite të zakonshme te mjeku për dhimbje barku, zbuloi diçka që askush nuk mund ta imagjinonte.
Pas disa kontrolleve mjekësore dhe skanimeve, mjekët mbetën të shokuar kur zbuluan se ajo kishte një fetus të ngurtësuar në bark – një shtatzëni e rrallë që kishte mbetur brenda trupit të saj për më shumë se gjashtë dekada.
Ky fenomen i rrallë njihet në mjekësi si “lithopedion” ose “fosil i gjallë”, ku një fetus që ka vdekur gjatë shtatzënisë dhe nuk është nxjerrë, ngurtësohet dhe kapsulohet nga trupi për të shmangur infeksionin. Rasti i gruas së moshuar u cilësua nga ekspertët si një ndër më të rrallët në histori, pasi zakonisht lithopedion zbulohen shumë më herët dhe jo pas kaq shumë vitesh.
Gruaja kishte përjetuar disa shqetësime me kalimin e viteve, por asnjëherë nuk kishte menduar se mund të lidhej me një shtatzëni të vjetër. Ajo kishte humbur një fëmijë në rininë e saj, por nuk kishte marrë asnjë shpjegim të qartë nga mjekët e kohës. Trupi i saj e kishte izoluar fetusin dhe për vite me radhë, ajo kishte jetuar pa ditur të vërtetën që mbante brenda vetes.
Lajmi bëri xhiron e botës dhe ngriti diskutime rreth mrekullive dhe çudirave të trupit të njeriut. Mjekët deklaruan se ndonëse rasti ishte i rrallë, ishte e rëndësishme që njerëzit të bëjnë kontrolle të rregullta, sidomos në rastet kur përjetojnë simptoma të pazakonta.
Fatmirësisht, gruaja nuk ishte në rrezik për jetën dhe mjekët vendosën që të mos ndërhynin kirurgjikisht për të mos e rrezikuar, duke e lejuar të vazhdojë jetën e saj në paqe. Rasti i saj mbetet një ndër më të rrallët në historinë e mjekësisë dhe një dëshmi e çuditshme se si trupi i njeriut mund të fshehë sekrete për dekada,
